Eth Museu del Ferrocarril forme part d’un ambiciós projècte de recuperacion d’arqueologia industriau, que tanben includís era metuda en foncionament d’un tren toristic a vapor entre era Còsta Daurada e es comarques der interior e era creacion d’ua escòla professionau d’oficis ferroviaris.

Ena actualitat se pòt gaudir d’una visita guidada qu’includís er edifici der enclavament, damb un des prumèrs sistèmes electromecanics de contròtle d’estacions d’Euròpa; eth pònt que vire de 23 mètres e es antiques cochères de coches de shivaus, aué talhèr de restauracion de veïculs. Eth recorrut finalize ena naua cochèra deth tren toristic, a on s’i restauren e consèrven quauqui exemplars de locomotores, automotors, coches e vagons, que mos mòstren era evolucion deth ferrocarril ath long deth temps. Entre aguesti exemplars i trobam era 241F-2238, er unic exemplar que se consèrve de locomotora de vapor de grana poténcia deth depòsit de Móra la Nova.