Era villa romana de Tòrre Llauder siguec descorbida er an 1961 per Marià Ribas i Bertran e era sua equipa, pòc dempús, pera sua importància siguec declarada Monumento Histórico Artístico de Interés Nacional (actuaument, Ben Culturau d’Interès Nacionau).

Eth Claus arqueologic de Tòrre Llauder consèrve es rèstes visitables d’aguest jadiment, es dependéncies senhoriaus d’ua villa romana damb paviments decoradi damb mosaïc enes abitacions, ua zòna de banhs damb recorrut d’aigües caudes, tebeses e heiredes (caldari, tepidari e frigidari) e dus peristils o patis.

Era villa, qu’apartenguec ath territòri dera ciutat romana d’Iluro (era anciana Mataró romana), siguec bastida ena epòca d’August (sègle I aC – I dC), mès eth moment de maxima esplendor, quan se construïssen es mosaïcs, ei deth s. III.

Actuaument es trabalhs arqueologics se centren ena catacion e documentacion deth jadiment e ena conservacion e restauracion des rèstes visitables.