En 2003 s’inaugurèc en Torroella de Montgrí eth Museu de la Mediterrània, damb er objectiu entà devier un espaci de coneishement, de reflexion e de recèrca ath servici des inquietuds e problematiques qu’afècten es ciutadans deth sègle XXI. Un espaci a on era musica ven a èster er èish d'un discors en qué es sons dera natura e es sons hèti per umans constituïssen eth pretèxte entà mostrar era realitat deth territòri e dera gent que i viu.
\ \Eth Museu de la Mediterrània daurís es pòrtes ara descubèrta der espaci uman dera Mediterranèa partint deth territòri deth massís deth Montgrí, era plana deth Baix Ter e es isles Medes. Un espaci qu’a estat modelat per ua longa istòria d'intercambis damb pòbles dera Mediterranèa que compartissen un passat, un present e un futur comuns.
\ \Se tracte d’ua experiéncia participativa entà grani e petits que convide a flairar es aromes dera Mediterranèa, escotar es sons e musiques, tocar era istòria e gaudir d'un audiovisuau que mòstre era realitat mediterranèa d'aué.
Darrèra actualizacion: 10/04/2024