Eth Musèu dera Garrotxa se fondèc er an 1893 e actuaument a era sedença en tresau pis der Hospici d’Olot. Eth musèu ei era institucion a on es olotins an confiat era gestion der important e variat patrimòni dera vila. Era sua mission ei explicar e dar a conéishe eth patrimòni artistic en relacion damb eraa istòria sociau e industriau dera comarca dera Garrotxa.

Eth musèu a er èish vertebrador ena creacion dera Escola de Dibuix d’Olot er an 1783 e era sua istòria posteriora, que permet conéisher autors e corrents artistics tan destacats com son eth paisatgisme dera escòla d’Olot damb Joaquim Vayreda, Marià Vayreda e Josep Berga i Boix, eth modernisme damb Miquel Blay e eth quadre La càrrega de Ramon Casas o eth noucentisme dera man de Josep Clarà e Francesc Vayreda.

Es sales d’exposicions permanentes son complementades per d’autes de temporaus damb ua programacion establa, a on se tracten diuèrsi èishi tematics relacionats damb era comarca.