Eth Museu de l'Empordà ei ua institucion adreçada ara recèrca, conservacion e difusion deth patrimòni culturau locau e comarcau, damb un ampli programa d’exposicions e activitats. Oferís ath public una lectura istorica des sues colleccions e ua especiau dedicacion ara creacion artistica contemporanèa. Dispòse de servici educatiu e de publicacions, bibliotèca e sala de projeccions.

Damb ua istòria que se remonte a 1885, damb era arribada des prumèrs depòsits deth Musèu deth Prado, reünís ua interessanta colleccion d'art damb òbres de relèu laguens deth panorama artistic catalan (Sorolla, Casas, Nonell, Sacharoff, Tàpies, Torres Monsó, Zush o Pazos) e empordanés (Dalí, Santos, Reig, Vallès, Planells, Massanet, Gabriel o Mitjà).

Eth hons se complète damb es colleccions d’arqueologia, art medievau e pintura barròca. Creat er an 1946, er edifici s’inaugurèc en 1971. Des de 1998 ei gestionat per un consòrci format per Ajuntament de Figueres, eth Consell Comarcal de l'Alt Empordà e era Fundació Gala-Salvador Dalí. A compdar de 2015 se dissòlv eth Consorci e se recupère era gestion per part dera Àrea de Cultura der Ajuntament de Figueres.