Eth Musèu Blu ei plaçat en parc deth Fòrum . Siguec bastit pes arquitèctes Herzog & de Meuron er an 2004. Apròp dera mar e der arriu Besòs, a devengut dempús de març de 2011 un equipament dubèrt e dinamic, representatiu e util en contèxt dera problematica mieiambientau actuau.

Aucupe 9.000 mètres quarradi distribuïdi en dus estatges damb modèrnes installacions e servicis entà toti es publics que s’estructuren ath torn d’un immens vestibul de liure accès qu’ei eth punt de partida e d’arribada tà toti es programes e servicis deth Musèu: era exposicion de referéncia “Planeta Vida”, es espacis entà exposicions temporaus, era Mediatèca, eth Nin de Sciéncia entà mainatges de 0-6 ans, es sales de cors, era sala d’actes, es talhèrs e era botiga.