Eth Museu d'Història de Girona se tròbe en miei deth Barri Vell, en un edifici de trajectòria singulara qu’aucupe er antic convent de Sant Antòni des frares capuchins deth sègle XVIII, deth quau se'n consèrven espacis susprenents com eth cementèri, eth claustre e era cistèrna. Eth musèu da a conéisher eth procès de formacion de Girona, des dera fondacion ena epòca romana enquiara transicion ara democràcia, en un recorrut cronologic que se complète damb diuèrsi encastres tematics. Tanben, acuelh un espaci adreçat  ara imatgeria festiva dera ciutat e includís ua sala dedicada ara sardana e ara còbla.  Es espacis deth musèu son configuradi per edifici principau e pes espacis deth musèu dedicadi ara Guèrra Civiu, que  formen part dera Xarxa d’Espais de Memòria Democràtics: eth refugi antiaerian deth Jardí de la Infància, era preson provinciau e era hòssa comuna deth cementèri vielh.

\ \

Eth musèu aufrís ua programacion variada d’activitats, es exposicions temporaus se hèn en diferenti espacis, laguens deth musèu: era sala d’exposicions, era carboèra, era cistèrna e eth cerèr.