Eth Museu d’Art de Girona se tròbe en marc incomparable der antic Palau Episcopal, es prumères referéncies deth quau se remonten ath sègle X. A trauès des sues estances mos auferís un viatge ath long dera istòria dera arquitectura.

\ \

Er interior deth palau acuelh era colleccion d’art mès important deth Bisbat e dera província de Girona, damb pèces datades des dera epòca romanica enquia lèu començaments deth sègle XX. Entre es òbres mès notables destaquen era ara d’autar de Sant Pere de Rodes (segle X), eth retaule de Sant Pere de Púbol (segle XV), taules deth retaule de Sant Feliu de Girona (segle XVI), eth retaule de Segueró (segle XVI) e era escultura Contra l’invasor (segle XIX). Er edifici consèrve encara diuèrsi espacis que responen ena sua foncion originau, com ara era preson episcopau o eth majestuós jardin.

\ \

Complementen es installacions deth Museu d’Art dus espacis ubicats ena zòna deth mercadal, laguens der edifici der antic ospitau de Santa Caterina: era antica farmàcia ospitalària e era capèla (aué Auditori Josep Irla de la Generalitat de Catalunya), a on s’expòse eth quadre El gran dia de Girona (dipòsit MNAC), eth mès gran dera pintura catalana (496 x 1082 cm).