Eth poblat iberic deth poi de Sant Andreu d'Ullastret ei eth mès gran de Catalonha. Se considère que siguec ua autentica ciutat, caplòc dera tribú ibèra qu'es autors antics nomentèren indiketes. Eth prumèr poblat iberic d'Ullastret date dera prumèra mitat deth sègle VI aC, encara qu'era zòna s'a relacionat damb assentaments anteriors. dera prumèra edat de hèr. S'agís d'un poblat sus un tucò e fortificat damb ua grana muralha, que permetie contrarotlar tot eth païsatge der entorn.

Eth poblat hè part d'un conjunt arqueologic d'epòca iberica mès estendut, que ne coneishem un aute poblat, ua necropòli e ua seguit de petiti assentaments dispersadi peth territòri.

Era visita ath jaciment iberic d'Ullastret se complète damb era visita ath musèu, a on s'expausen es trobalhes arqueologiques mès remarcables der conjunt arqueologic.