Era sedença de Girona deth Museu d’Arqueologia de Catalunya consèrve es materiaus arqueologics trobats enes excavacions de diuèrsi jaciments des comarques de Girona, des dera preïstòria enquiara edat mieja.

A era sua origina en Museu Provincial d'Antiguitats i Belles Arts, fondat en 1846 pera Comissió Provincial de Monuments, e ei, donc, un des mès antics de Catalonha. Entre 1846 e 1857 eth musèu auec diuèrses ubicacions, enquia qu’en 1857 s’installèc en monastèri de Sant Pere de Galligants, lòc a on a estat enquiara actualitat e que li a dat eth nòm damb eth quau ei coneishut tradicionaument.

Er edifici a o se tròbe ei ua des mès notables mòstres deth romanic catalan deth sègle XII. Non se coneish era data de fondacion deth monastèri, mès ei documentat des de darrèrs deth sègle X. En 1836 l’aueren d’abandonar era comunitat de monges benedictins, en aplicacion des leis desamortizadores. Er actuau musèu ocupe eth claustre e era glèisa romanica, e un sobreclaustre construït ena segona mitat deth sègle xix. Des de 1992 forme part deth Museu d'Arqueologia de Catalunya, actuau ens dera Agéncia Catalana del Patrimoni Cultural.