Eth Museu Arqueològic Comarcal de Banyoles se trape actuaument barrat per òbres. Era naua obertura se prevé entà 2024.
\ \Eth Museu Arqueològic Comarcal de Banyoles (MACB) existís des der an 1933, quan er Ajuntament de Banyoles lo creèc a arraïc des trobalhes ena villa romana de Vilauba er an 1932.
\ \Eth MACB consèrve es materiaus d’importants jaciments paleontologics (Terciari final-Quaternari antic, 5-1 milions d’ans abans d’ara) e tanben des ocupacions umanes deth Pla der Estany entre eth paleolitic inferior/miei (250.000 aC) e eth sègle XX. Ath delà des colleccions preïstoriques de Pere Alsius Torrent (darrèrs deth sègle XIX) e de Josep M. Corominas Planellas (1933-1973), eth MACB recuelh des der an 1975 es objèctes procedents des excavacions modèrnes que se realizen ena comarca: eth jaciment paleontologic d’Incarcal (Crespià), es còves paleolitiques de Serinyà, eth poblat neolitic dera Draga (Banyoles), era villa romana de Vilauba (Camós) e es horns romans d’Ermedàs (Cornellà del Terri), entre tanti d’auti.
Darrèra actualizacion: 10/04/2024