En 2004, Mina Victòria redaurís es sues pòrtes coma mina musèu. Era visita ara espleita se hè a compdar d’un itinerari circular de senderisme a on eth païsatge e er entorn complèten era visita.
\ \Er itinerari a pè comence ena Bassa d’Arres tot en tot seguir es senhalizacions de husta damb era representacion d’ua vagoneta. Se tracte d’un itinerari d’ua durada aproximada de dues ores a on se pòden observar es diferenti elements conservadi des installacions minères (bastisses, balances, galaries, eca.).
\ \A miei camin, trobam era sala de maquines, abilitada coma centre de visitants,d’a on gesseram acompanhadi d’un guida entà visitar era galaria Sacòsta (200 m de longitud) e conéisher es diferenti metòdes d'espleita deth minerau. A compdar d’ací, er itinerari mos pòrte, en tot passar pes galaries superiores, de retorn ara Bassa d’Arres.
\ \Se recomane portar cauçadures de montanha, aigua e vestiments cauds (interior dera galaria, 9 °C).
Darrèra actualizacion: 10/04/2024