Era Fabrica dera Lan de Vielha ei un exemple representatiu des petites indústries textiles que sorgiren a compdar dera dusau mitat deth sègle XIX enes dus penents des Pirenèus centraus.

Era fabrica siguec bastida ena fin deth sègle XIX per Josèp Portolés Viló, vesin de Vielha qu'auie aprenut eth mestièr dera lan en Miramont de Comenge (França), ciutat d’a on procedie era familha dera sua hemna.

Era fabrica foncionaue damb era fòrça motritz que li proporcionaue er arriu Nere. Un canau exterior amiaue era aigua enquia ua arròda de husta connectada a un long èish tanben de husta. Aqueth èish ère subjècte as engranatges dera maquinària e les transmetie era fòrça dera aigua.

Dempús de tres generacions consagrades ath mestièr dera lan, era familha Portolés barrèc era Fabrica dera Lan enes ans setanta a conseqüéncia dera diminucion dera produccion.