Inaugurat a finaus deth 2011, er espaci d’Art Cinetic Jordi Pericot includís era unica colleccion permanenta d’art cinetic der estat, frut dera donacion der artista ar Ajuntament d’El Masnou. En aguest modèrn espaci se pòt veir ua mòstra de tot er ensemble dera òbra de Jordi Pericot, dividida en sies encastres que seguissen es diferentes etapes dera sua evolucion artistica.

Jordi Pericot (El Masnou, 1931) s’introdusic enes tecniques deth cinèma experimentau en França, a on inicièc era sua trajectòria artistica. En tornar, mantenguec ua activitat culturau destacada, mès que mès ena recèrca der art cinetic.

Er art cinetic ei un corrent artistic basat ena estetica deth movement. En bèri uns casi, enes òbres s’introdusissen motors e d’autes hònts d’energia; en d’auti, coma ei eth cas de Jordi Pericot, se creen efèctes optics que simulen eth movement e hèn que er espectador s’age de bolegar deuant dera òbra entà podé’c experimentar.