Aguest endret presèrve mès de 2.000 ans d’istòria. Era glèisa, d’origina romanica, a experimentat successius agraniments, es mès remercables corresponenti as sègles XII e XVIII. Eth conjunt edificat mos permet resseguir era longa tradicion d’assetament en aguest lòc, ja dempús dera epòca romana. Era rectoria que s’i adorse pera façada nòrd date deth 1798. Eth conjunt patrimoniau se localize en miei d’un airau arqueologic en qué s’an metut ath descorbit rèstes de diferentes epòques: ua villa romana d’epòca republicana (sègle I aC), que se rehè e s’agranís ena epòca imperiau (sègles I-II dC); un assetament carolingi damb necropòli (sègles IX-X); era glèisa romanica, qu’a ua continuïtat parroquiau e cementeriaiu enquiara epòca modèrna, e ua bòrda templèra que date entre finaus deth sègle XII e començaments deth XIV.