Era Casa deth Pintor Abelló ei era casa d’un pintor colleccionista: sales, escales, planta baisha, sosterranh, estatges…, un laberint a on es visitants descorbissen era complèxa, interessanta e diuèrsa colleccion der artista. Ua portalada qu’apartenguec ath convent des Àngels de Barcelona mos condusís enquiath vestibul.

Ua grana fotografia d’Abelló mos da era benvenguda. En ua vitrina, coma petit resumit dera vida deth mèstre, i vedem fotografies, diplòmes, prèmis e objèctes personaus. E, a compdar d’ací, comence un itinerari pera casa deth pintor e per tot eth sòn hons d’art, que se pòt descorbir enes visites guidades que s’amien a tèrme diàriament.