Cercaire de musèus e localitats

Musèu Municipau Joan Abelló

Era generacion deth 1917 e figuratius independents

Vista generau dera sala damb escultures de Joan Rebull.

Vista generau dera sala damb escultures de Joan Rebull.

Parallèlament ara gestacion des prumères avantgardes, en Catalonha se formèren, ar entorn deth 1917, grops d’artistes joeni que començauen a maufidar-se der idealisme deth naucentisme. Eth 1917 siguec un an clau ena istòria de Catalonha, per çò que fòrça principis —politics, sociaus, militars e culturaus— entrèren en crisi.

Eth prumèr d’aguesti grops batalhadors siguec eth des Evolucionistes, deth quau hègen part es escultors Apel·les Fenosa e Joan Rebull. Fenosa venguec en París ua personalitat internacionau, gràcies a un tractament graciós e eterèu dera figura, deth temps que Rebull repensèc militantament era escultura classica, en tot tractar de desbrembar-se des neoclassics e des naucentistes e en tot tornar a avalorar es volums viui deth còs uman. Des Evolucionistes, tanben ne heren part dempús deth començament es pintors Joan Serra e Josep Mompou.

D’auti grops parallèli, ne gesseren figures coma Emili Bosch Roger e Francesc Camps Ribera, Rafael Durancamps, Pere Creixams, Pere Pruna, Josep Hurtuna, Ignasi Mundó, Jordi Curós..., o eth pròpri Joan Abelló, que s’a caracterizat per ues composicions esclatantes de color e de pasta pictorica, tostemp damb un hons expressionista.

OBJÈCTES

<p><em>Retrat deth m&egrave;n hilh Jordi</em>, Joan Rebull Torroja, 1928-1930. P&egrave;ira d&rsquo;Ulldecona, 25 &times; 20 &times; 15 cm. Mus&egrave;u Municipau Joan Abell&oacute;.</p>
Retrat deth mèn hilh Jordi
Retrat deth mèn hilh Jordi
<p><em>Era sagrada familha</em> (1967), Era ausina (1969), Joan Abell&oacute;. Mus&egrave;u Municipau Joan Abell&oacute;.</p>
Era sagrada familha, Era ausin
Era sagrada familha, Era ausina
scroll to top icon