Era esclopeta ère ua proteccion de husta, pariu a un esclòp petit, que se metien es pagesi ena man quèrra entà evitar talhar-se damb era hauç o era dalha quan segauen. Tanben s’utilizaue coma proteccion quan s’auien d’amolar es utisi. Sense era esclopeta, ère facil talhar-se damb era ahilada hauç dempús de longues ores en tot segar.
Segons era mesura d’aguesta airina, protegie es quate dits dera man quèra o solament tres (er indèx ne demoraue dehòra). Solie anar estacat ath canèth damb ua còrda o ua correja de cuèr, e portaue un horat apròp dera punta pr’amor que respirèsse era man.