En 1984 eth Musèu dera Val d'Aran inície eth sòn camin. Plaçat ena antica casa fortificada deth generau Martinhon (sègle XVII), eth musèu esdevierà ua autentica pòrta d’entrada entath visitant a on descorbirà era istòria, era cultura e es tradicions qu’an dat lòc ar Aran d’aué.
Ath torn dera sedença deth Musèu dera Val d´Aran, s’an desvolopat tot un hilat d’equipaments patrimoniaus que recorren tot eth territòri aranés e apròpen ath public visitant —a trauès des exposicions o hènt us des servicis de guida e des diferenti materiaus e activitats didactiques que se desvolòpen pendent er an— tà conéisher e descorbir era vida e es transformacions sociaus d’un país de montanha ena frontèra.
Mès eth camin deth Musèu dera Val d’Aran non acabe ací: en magazin se trabalhe tara restauracion, conservacion e estudi deth patrimòni, perque conéisher eth passat ajude a valorar eth present e crear eth futur.
Tarifa generau: 3,00 €
Tarifa redusida: 2,00 €, entà majors de 65 ans, de 11 a 16 ans, Carnet Jove, carnet de família nombrosa o monoparentau, estudiants damb carnet
Tarifa de grop: 2,00 € per persona, a compdar de quinze persones
Tarifa gratuïta: menors de 10 ans, ICOM, docents acreditats entà finalitats d’investigacion
Ostiu: de deluns a dimenge, de 10 a 13 e de 17 a 20 ores; festius, de 10 a 13 ores
Rèsta der an: de dimars a dissabte, de 10 a 13 e de 17 a 20 ores; dimenge, de 10 a 13 ores; festius e 24 e 31 de deseme, de 10 a 13 ores
Dies de barrament: deluns; 1 e 6 de gèr, 17 de junh; 8 d'octobre; 25 de deseme