Meccano se venie en caishes que contiegen ua «equipa» de diuèrses pèces que permetien hèr construccions diferentes (grues, automobils, edificis, relòtges, pònts). Damb era equipa numèro 7, per exemple, se podien construïr enquia 899 modèls diferenti. I auie, maugrat açò, era possibilitat de crompar pèces desseparades entà agranir era equipa o hèr reposicion de pèces. Eth mòble expositor deth 1930, procedent dera botiga de joguets Le Paquebot Normandie de París, mostraue es pèces de Meccano que se vendien desseparadament. Per açò era part deth deuant ei ua veirina damb es diferenti modèls de pèces expausades, deth temps qu’a ena part posteriora i auie cinc calaishi a on se plegaue er estòc.