Es pellicules de Cine NIC èren formades per dues bendes orizontaus de diboishi egaus, a excepcion dera part deth diboish qu’auie moviment. Eth traç deth diboish ère simple e precís. I auie series de personatges pròpris dera enterpresa NIC, per exemple Miau, Nikito, Tom el Cowboy, etc.
Aguesta pellicula siguec diboishada ena epòca dera Guèrra Civiu Espanhòla, quan era fabrica Proyectores NIC siguec collectivizada. Pendent aqueth temps, contunhèc era fabricacion de projectors e pellicules, mès aguestes darrères damb es títols en catalan.