Es camères fotografiques de tirador èren es prumèrs modèls de camères qu’existiren. S’utilizauen entara tecnica fotografica deth daguerreotip e procediments contemporanèus. Consistie en dus tiradors, un laguens der aute, eth desplaçament des quaus permetie er enfocament dera imatge. Eth sòn usatge s’estenec dempús de 1839 enquia mejan sègle XIX.
Tant era preparacion dera placa entà realizar un daguerreotip coma eth sòn revelat posteriors èren procèssi lenti, complicadi e, en bèri moments, perilhosi.