Aguest objècte consistís en ua esfèra de metau damb perforacions que diboishen diuèrses imatges floraus, animaus o geometriques. Pòrte en interior ua candela que s’alugue e se manten tostemp verticau gràcies a un sistèma interior d’anères.
Aguest objècte s’utilizaue entà projectar es ombres des perforacions dera esfèra enes parets d’ua cambra a escures. Se convenguie, se podie hèr a rodar era esfèra per tèrra, çò que daue moviment as ombres projectades.