Eth 28 de deseme de 1895 es frairs Lumière presentèren en Salon Indien, plaçat en sosterranh deth Gran Cafè de París, era prumèra projeccion publica de pagament hèta damb un aparelh dera sua invencion: eth cinematograf. Eth public ne gessec estabosit e estonat. Es projeccions sigueren un gran succès dempús dera prumèra session e a compdar d’ací s’escampèren pertot deth mon damb ua rapiditat inusitada. Era invencion se nomentèc eth Cinématographe Lumière e damb eth neishec eth cinèma.