Dus cents ans abans dera invencion deth cinèma, era lantèrna magica convertís peth prumèr còp era projeccion d’imatges en ua forma d’espectacle multitudinari ja sigue entà entretier, informar o tanben coma airina pedagogica.
Era lantèrna magica, que gaudic d’ua grana popularitat sustot ath long deth sègle XIX, ei eth precedent mès clar deth cinèma coma tecnica e coma espectacle visuau. Se tracte d’un projector d’imatges pintades sus ua placa de veire, inventat a mejan sègle XVII per Christian Huygens. A viatges aguesta placa de veire ei mecanizada, entà poder animar es imatges projectades, mès damb un moviment rudimentari.
Merite atencion especiau er espectacle dera fantasmagoria, ua projeccion de lantèrna magica de grana complexitat tecnica que s’amièc a tèrme sustot a finaus deth sègle XVIII e prumèr tèrç deth XIX.