Cercaire de musèus e localitats

Musèu deth Cau Ferrat

Minjador

Minjador deth Cau Ferrat.

Minjador deth Cau Ferrat.

Era codina minjador ei er espaci mès gran dera planta baisha, per çò que anticament, enes cases umiles, es foncions de codinar e minjar auien lòc en ua unica estança. Soent, ath torn deth larèr, Rusiñol liegie as sòns amics sitgetans fragments des òbres literàries qu’escriuie. Tanben ei ací a on se celebrauen es repassi mès intimi, pendent es quaus er artista explicaue as sòns convidadi es hèts devengudi en sòn darrèr viatge en París, Granada o quinsevolh aute endret.

Actuaument es parets e estatgères dera codina minjador son plenes de fòrça pèces ceramiques que Rusiñol aqueric ath long dera sua vida: pòts de farmacia, lauamans, plats e escudèles. I predominen es objèctes de manufactura catalana, mès tanben n’i a fòrça que procedissen des principaus nuclèus de produccion dera Peninsula: Manises, Paterna, Muel, Teròl e Talavera de la Reina.

Eth cauhader que i a a man dreta, tanlèu que s’entre ena estança, s’enquadre laguens deth humarau construït damb ua hièstra provienta deth castèth de Sitges. Ara dreta deth cauhader, se ve un lindau de hièstra o pòrta que tanben proven der ancian castèth sitgetan.

VIDEO

OBJÈCTES

<p><em>Lauamans</em>, finau s&egrave;gle XVII - prum&egrave;r t&egrave;r&ccedil; deth s&egrave;gle XVIII, Barcelona, pisa esmaltada. Mus&egrave;u deth Cau Ferrat.</p>
Lauamans
Lauamans
<p><em>Maternitat</em>, Manolo Hugu&eacute;, c. 1897-1900, Cadaqu&eacute;s, guish pintat. Mus&egrave;u deth Cau Ferrat.</p>
Maternitat
Maternitat
scroll to top icon