Monument funerari decorat damb era cara d’ua gorgona, tanben dit Gorgoneion. Se trobèc ath pè dera via Augusta, ena cantoada entre es carrèrs de Matheu e deth Camí del mig. Deuie èster de granes dimensions peth hèt que solament se’n localizèc eth coronament e part dera basa de marbre.
Era gorgona Medusa ère un personatge mitològic que auie serps ath lòc de peus. Era sua representacion en ambients funeraris siguec fòrça utilizada pr’amor qu’ère simbòl d’immortalitat e de proteccion, sustot entre es sègles I aC e II dC.