Pendent es catacions dera necropòli laietana deth Tucò des dus Pins, er an 1986, se trobèc intacta e fòrça ben conservada era hòssa num. 51, considerada excepcionau peth sòn contengut format pes rèstes ossoses dera cremacion de 7 individús e 83 pèces de depaus funerari. Poderie èster era hòssa d’un grop familhau. Entre es fòrça objèctes, destaque un timiatèri (cremador de perhum) de tèrra cueta damb era representacion dera divessa Demetèr, era divessa dera agricultura ena mitologia grèga. Aguesti objèctes, de caractèr religiós, èren fòrça restacadi ar encastre domestic e dera fecunditat.