Toti dus compartiments mòstren era representacion d’ua santa. Ua des figures ei santa Caterina d’Alexandria, que pòrte es sòns atributs caracteristics: es ròdes dentades e era palma deth martiri, e tanben era espasa dera decapitacion, que dirigís cap ara cara d’un personatge reiau, damb corona e scèptre, que caushigue. Aguest personatge represente er emperaire que la perseguic e qu’ordenèc era sua mòrt.
Era auta taula mòstre santa Agata de Catània, qu’apareish damb era palma martiriau e ua copa que, en interior, conten es dues popes que li arringuèren pendent eth sòn turment.