Era Pia Aumòina ère era institucion dera catedrau dedicada a hèr possibla era vertut dera caritat e que, aumens dempús de 1277, acuelhec de forma fixa un bon nombre de praubes, as quaus se daue minjar, se vestie o emparaue, mercés as rendes de donacions pietoses. En minjador i arribauen cada dia tant es praubes ordinaris coma un nombre diuèrs de passants. Se tractaue d’un grop uman fòrça eterogenèu que mostraue era cara mès escura d’ua societat emergenta e activa.