Era sedença centrau deth Museu de les Terres der Ebre, ubicada en Amposta, acuelh dues sales d’exposicions, “Les Terres de l’Ebre: de la prehistòria a l’edat mitjana” e “L’Ebre: camí d’aigua”, a on eth visitant, a trauès d’ua scenografia suggerenta, descorbís es testimònis des cultures qu’an abitat es Terres de l’Ebre ath long dera istòria. Tanben se preten mostrar com eth gran riu iberic a conformat eth paisatge e era vida dera sua gent gràcies ara grana riquesa naturau, era diversitat de formes de vida e era situacion estrategica ath bòrd deth riu.
Eth musèu gestione colleccions importantes dera natura, arqueologia e etnologia, un hons qu’includís mès de 35.000 objèctes que representen era memòria deth territòri en forma de bens materiaus e immateriaus. Dat eth caractèr de musèu de territòri e societat, s’ocupe dera gestion deth patrimòni naturau e culturau, e dera realizacion e projeccion d’activitats de revalorizacion e difusion d’aguest patrimòni laguens d’ua estratègia de desvolopament locau.
Tarifa generau: 2,00 €
Tarifa redusida: 1,00 €, per menors de 18 ans e titulars deth Carnet Jove, majors de 65 ans, possedidors deth carnet de família nombrosa o monoparentau, e possedidors deth carnet d’entitats qu’agen convèni de reduccion d’entrada.
Tarifa de grop: 1,00 € per persona, a partir de 25 persones
Tarifa gratuïta: menors de 7 ans; eth prumèr dimenge de cada mes, entà tot eth public
Abonament annau Amic/ga: 25,00 €, entà majors 18 ans; 20,00 €, entà menors de 18 ans, majors de 65 ans e docents; 40,00 €, entà famílies
Tot er an: de dimars a dissabte, de 11 a 14 e de 17.30 a 20 ores; dimenge e festius, de 11.30 a 14 ores
Dies de barrament: deluns; 1 de gèr; Divendres Sant; 1 de mai; 15 d’agost; 11 de seteme; 6, 25 e 26 de deseme
Orari d’oficina e des servicis tecnics: de deluns a diuendres, de 9 a 14 e de 17 a 19 ores
Orari dera mediatèca e deth servici de documentacion: dijaus, de 17 a 20 ores
En coche:
Autopista: gesssuda 41, Amposta-Sant Carles de la Ràpita dera AP7. Un còp qu’ajatz gessut dera autopista, continuatz pera N-340, crotzar er Èbre e prenetz era gessuda Amposta sud qu’enlace damb era carretèra C-12. Un cop aquiu, sonque cau seguir era senhalizacion cap ar interior dera poblacion en direccion ara avenguda de Catalunya e eth musèu.
N-340: des deth nòrd, seguitz era N-340 en direccion a Castelló/València enquia travessar er Ebre e prenetz era gessuda Amposta sud qu’enlace, en ua rotonda, damb era carretèra C-12. Un còp aquiu, sonque cau seguir era senhalizacion cap ar interior dera poblacion e despús arribar pera avenguda de Catalunya en musèu. Vient des deth sud, en direccion Tarragona/Barcelona, prenetz era prumèra gessuda Amposta-Tortosa, qu’enlace damb era C-12 e amie tath nucli urban d’Amposta. Des der interior dera poblacion, sonque cau seguir es indicadors que trobaratz entà arribar en musèu pera avenguda de Catalunya.
C-12: se vietz des der interior des comarques riberenques der Ebre, vau mès non préner era prumèra entrada d’Amposta; eth madeish èish der Ebre vos portarà tà ua segona rotonda presidida per ua escultura metallica e verticau. En aguest horcalh, cau anar en direccion ath centre urban d’Amposta. En ua segona rotonda situada ena plaça dera Castellania, cau seguir ara dreta peth carrèr de Sebastià Juan Arbó e despús arribar en ua tresau rotonda. Des d’ací, accediratz tath musèu pera avenguda de Catalunya e eth carrèr de Cervantes.
En transpòrt public:
Autobús: an parada en Amposta es linhes dera empresa HIFE que hèn eth servici Vinaròs-Barcelona, Barcelona-Vinaròs, Alcanar-Tarragona, Tarragona-Alcanar, Saragossa-València, València-Saragossa, Tortosa-Sant Carles de la Ràpita, Sant Carles de la Ràpita-Tortosa. Entà consultar es oraris, visitatz era plana web http://www.hife.es/es.
Tren: era estacion que i a mès apròp ei era Aldea-Amposta-Tortosa, a on efectuen parada es trens de long recorrut (Alaris, Talgo) e de mieja distància (Regional, Regional Express, Catalunya Express). Un cop ena estacion, entà arribar en Amposta podetz anar-i en taxi o enlaçar damb es linhes d’autobús (guardatz es oraris en http://www.hife.es/es, ja qu’eth servici d’autobús non coincidís damb es oraris d’arribada des trens). Entà consultar es oraris, visitatz era plana web http://www.renfe.com.