Er economat ère un bastiment de tres estatges a on i auie era botiga de comestibles, era carnissaria, eth horn de pan e eth magasèm. I anauen es hemnes entà crompar es avitalhaments que auien de besonh entàs sues familhes. Aguest negòci ère proprietat dera enterpresa, e part deth salari des minèrs se pagaue damb bons que sonque auien validitat en economat.
A causa dera malaisida accessibilitat dera colònia, es avitalhaments e es merces se pujauen mejançant es vagonetes utilizades entà transportar eth carbon, un còp convenentament adaptat.