Era identificacion damb ua estetica iperrealista avant la lettre, ei frut d’ua particulara tecnica pictorica realizada a compdar de fotografies (era majoritat deth fotograf catalan resident en París, JM. Cañellas) que mos aufrís un rebat dera societat empordanesa deth cambi de sègle. Trebolat pera originalitat deth sòn trabalh pionèr, Dalí s’emportèc bères ues d’aguestes òbres entà hèr part dera exposicion-aumenatge qu’eth musèu e Centre d’Art Georges Pompidou de París li dediquèc er an 1979.