Era singulara riquesa arqueologica dera zòna comportèc era fondacion, er an 1978, deth Musèu de Gavà, eth quau a aquerit un ròtle important ena proteccion e era divulgacion deth patrimòni culturau e naturau dera comarca.
S’estructure en tres grani èishi: era recèrca, era conservacion e era difusion deth patrimòni istoric e naturau der entorn, damb ua dedicacion especiau as materiaus provienti des mines preistoriques.
Era exposicion permanenta deth Musèu, “Gavà, es votzes deth païsatge”, explique eth païsatge dera comarca e hè un recorrut pera istòria deth territòri a trauès de sies sales, en tot embraçar dempús des periòdes geologics enquiath present. S’i pòden veir objèctes originaus procedenti des jadiments des Mines Preistoriques e dera zòna d’ancoratge d’epòca romana de Les Sorres.
Eth musèu se place ena coneishuda Tòrre Lluch, anciana casa senhoriau, laguens der entorn deth parc municipau.
Tarifa gratuïta
De dimars a diuendres de 10 a 14 e de 16 a 19 h.
Dissabtes d’11 a 14 e de 16 a 19 h.
Dimenges d’11 a 14 h.
1/11, 6/12, e 25 e 26/12 barrat.
Renfe: Linha R2, estacion de Gavà
Autobusi: enterpresa MOHN, des de plaça d’Espanha (Barcelona) L80 e L81
Autopista C32 (A-16), gessuda 48 A (Gavà)