Era deterioracion des relacions entre es dues comunitats, e es treslucs de violéncia verbau, fisica e legau, s’anèren en tot incrementar ath long deth sègle XIV. A finaus d’aguest, era marginalizacion dera poblacion judiva se hec evidenta a trauès d’ordes repressius coma eth de portar un senhau circular (era rodèla) cosut ena ròba cada còp que gessien dera judaria. Era deth Reiaume de Malhòrca auie d’èster de dues colors: “la meytat vermella e l’altra meytat groga” (era mitat arròia e era auta mitat auriòla).