Eth gotic forme part d'un moment de plenitud culturau e ei era estetica contemporanèa dera expansion deth poder catalan ena Mediterranèa. Era pintura gotica se manifèste enes grani retaules, sus husta e tanben en vitralhs. Es mèstres deth moment utilizen e combinen es tecniques mès diuèrses: emplastratge, pintures ath tremp o dauradures.
Es imatges representades deishen d'èster informacions expressionistes e sagen de comunicar sentiments e sensacions. Entà artenhe'c, se plantegen entorns de naturalitat e versemblança. Era sensacion d'espacis reaus se hè vier a compdar de dues vies: era perspectiva e eth clarescur.