Proclamada era II Republica, er an 1931, era Generalitat de Catalonha bastic un important projècte ar entorn dera cultura deth país. En Tarragona se creèc un centre cabecièr ena formacion d’arts plastiques: eth Talhèr-Escòla de Pintura e Escultura.
Era prepausa, dirigida per Ignasi Mallol e Joan Rebull, amassa damb es professors Salvador Martorell, Enric Cristòfol Ricart, Josep M. Capdevila e Rafael Benet, contribuïc ara formacion d’un gran nombre d’escolans, bèri uns des quaus vengueren artistes reconeishudi.
Era escòla siguec destruïda a causa des bombardaments que patic era ciutat en cors dera Guèrra Civiu.
Er an 1946 era Deputacion de Tarragona entamenèc eth projècte de creacion d’ua escòla talhèr d’art dedicat ara formacion en camp des arts aplicades, restacada iniciaument ara Escòla deth Trabalh de Tarragona.
Er escultor Lluís M. Saumells ne siguec eth prumèr director, deth temps qu’eth tanben escultor Salvador Martorell e es pintors Gonzalo Lindín e Sadurní Garcia Anguera sigueren es prumèrs professors.
Er an 1951 era Escòla s’establic ena Casa Martí, er actuau musèu. En 1976 era Escòla se transportèc ath sòn actuau plaçament ena zòna de Sant Pere Sescelades.