Eth Museu d’Art Modern se creèc pera Deputacion de Tarragona er an 1976 tà promòir er estudi e eth coneishement der art modèrn e contemporanèu e, tanben, tà conservar e mostrar eth sòn patrimòni artistic. Eth musèu ei dotat d’ua bibliotèca auxiliara, un centre de documentacion e un archiu fotografic. Er edifici qu’acuelh eth musèu, plaçat ena part nauta de Tarragona, ei frut dera union de tres cases deth sègle XVIII reabilitades per arquitècte Jaume Mutlló. Er an 1991 s’inaugurèc era restauracion e eth condicionament estructurau atau com lo coneishem actuaument. Eth 2008 eth Museu d’Art Modern presentèc eth renauiment dera sua exposicion permanenta, damb un nau projècte museografic qu’apòrte un important caractèr didactic ena presentacion des colleccions.
Tarifa gratuïta
Tot er an: de dimars a diuendres, de 10 a 20 ores; dissabte, de 10 a 15 ores e de 17 a 20 ores; dimenge e festius, de 11 a 14 ores
Dies de barrament: deluns
Tarifa gratuïta entà tot eth public