Cercaire de musèus e localitats

Musèu d’Art de Sabadell

Academicismes deth sègle XIX

Exposicion permanenta, dusau estatge.

Exposicion permanenta, dusau estatge.

A compdar dera dusau mitat deth sègle XIX se pòt començar a parlar d’activitat artistica en Sabadell, damb era creacion dera Acadèmia de Bères arts per Joan Vila Cinca, Joan Figueras, Josep Espinalt e Ramon Quer. Aguesta institucion vertebrarà era trajectòria des artistes locaus enquia plan entrat eth sègle XX.

Es ideaus estetics der academicisme èren comuns pertot d’Euròpa. Se centraven en un guardar constant de cap ath passat, enes canons classicistes de tecnica e beutat. Per açò èren tan importanti er aprendissatge e er estudi, e Roma ère eth punt de referéncia e ua hònt inagotabla de coneishença d’ua antiquitat idealizada. E tanben ac èren París, Madrid o Barcelona entà fòrça des artistes dera ciutat.

Aguest romanticisme derivarà ath long deth sègle en un esperit retoric e eclectic aluenhat dera realitat. Era mitologia romana, es passatges religiosi, es grani tèmes istorics, eth costumisme, eth paisatgisme e er orientalisme afistonen ua cosmologia pròpria e recurrenta enes artistes dera epòca.

Era colleccion permet gaudir dera produccion eterogenèa d’un nombrós grop d’artistes qu’ar entorn dera Acadèmia de Bères arts coitiveren aguesti diuèrsi genres pictorics.

OBJÈCTES

scroll to top icon