Cercaire de musèus e localitats

Museu d’Art de Girona

Muralhes de Girona

Muralhes de Girona, Modest Urgell i Inglada, de cap a 1871. Òli sus tela, 67,7 x 116,5 cm. Musèu d'Art de Girona - Hons d'Art Deputacion de Girona.

Muralhes de Girona, Modest Urgell i Inglada, de cap a 1871. Òli sus tela, 67,7 x 116,5 cm. Musèu d'Art de Girona - Hons d'Art Deputacion de Girona.

Urgell siguec un des pintres damb mès succès a finaus deth sègle XIX e principis deth XX, mès que mès pes sòns païsatges evocadors impregnadi de lutz crepusculara, des quaus en fin hec versions e variacions.

Aguesta ei ua des sues òbres mès simbolistes. Era pintura evòque era des·hèta de Girona contra es tropes napoleonenques, en 1808. Ath hons se ve era siloeta dera ciutat en ua subtila atmosfèra, en centre es roïnoses muralhes des quaus neish un laurèr, simbèu dera victòria morau des gironins sus er imperialisme, representat peth vòl baish d'ua agla en prumèr tèrme.

Era òbra ei de cap a 1871, moment qu'abandone era ciutat de Girona a on s'auie installat enes inicis dera sua carrèra. Ans mès tard, de cap a 1881, pintèc ua auta version deth madeish tèma, mès de dimensions mès granes, que siguec aquerida peth rei Anfós XII.

scroll to top icon