Aguesta talha represente a Sant Joan Baptista. Per ben qu'a perdut es atributs que deuie tier enes mans, ei visible, jus era rica policromia dera tunica, eth vestit de pèth de camèl que lo caracterize.
Era escultura coïncidís estilisticament damb d'autes òbres exposades ena madeisha sala —Santa Eulària e Sant Ròc. S'i obsèrve eth madeish tractament deth ròstre d'enguarda prigonda, expression grèua e pometes mercades, atau coma un tractament similar deth còs ena accentuacion deth contrapposto e es plecs dera ròba, que remolinegen a mièja centura. Totes eres harien part d'un unic retaule procedent deth monastèri benedictin de Sant Feliu de Guíxols, atribuït a Domènec Rovira eth Màger, escultor que trabalhèc en Girona a mejan sègle XVII.