Era pintura represente er interior der antic Cafè Vila de Girona, qu'auie estat plaçat ena actuau plaça del Vi. Eth cafè, fondat en 1875, ère vengut eth centre de reünions e dera vida sociau ena ciutat. Eth pintre Jaume Pons Martí ne retratèc aguesta instantanèa, en 1877, quan non auie mès que 22 ans. S'i ve era precision, lèu documentària, der espaci e des sòns personatges abituaus. Ua scèna de costums qu'eth joen pintre volec testimoniar e qu'ath madeish temps li servic entà exercir efèctes de lutzes e clarescurs. Pons Martí, que demorèc en Girona enquiara sua mòrt, deishèc d'autes visions dera ciutat: païsatges realistes e serens aluenhadi des corrents mès innovadors deth moment.