Capitèth procedent deth monastèri de Sant Pere de Camprodon damb era representacion de ueit figures masculines —sèt monges e un abat— vestidi damb tunica longa e damb es pès descauci. Des ueit figures, cinc amien un libre dubèrt ena man; ua auta pòrte un recipient, dilhèu un reliquiari, e eth darrèr ten ua cròça, baston pròpri des bisbes o abats. Es ueit encerclen era totalitat deth capitèth, a manèra de processon. Era continuïtat ena scèna qu'aucupe totes es cares deth capitèth hè supausar era sua ubicacion exempta, dilhèu procedenta d'un claustre restacat ath monastèri de Camprodon. Encara i son visibles traces de policromia, atau coma ère freqüent ena escultura romanica. Era pintura, ath delà de protegir era pèira, ressautaue era foncion didactica e simbolica des escultures.