Ena sala 14 s'entamene eth recorrut pes colleccions des sègles XVII e XVIII damb ua mòstra de pintura, escultura e objèctes liturgics d'estil barròc. Demest es escultures destaque era imatge de sant Ròc de Sant Feliu de Guíxols (sègle XVII). Ena sala 15 s'exibissen es colleccions de ceramica e veire (sègles XVII e XVIII). Era mòstra ei formada pes ensems de pòts de farmàcia e de siètes dera nomentada ceramica blua, e per ua seleccion d'objèctes de veire bohat.