Cercaire de musèus e localitats

Museu d'Arqueologia de Catalunya - Ullastret

Era zòna des temples

Vista des estructures corresponentes as recintes sagradi dera ciutat iberica.

Vista des estructures corresponentes as recintes sagradi dera ciutat iberica.

Ena part nauta deth poblat i a un barri sagrat, damb rèstes de dus temples. Aguesta disposicion d'ua zòna sacra ena part nauta vò imitar era de fòrça ciutats grègues, a on era acropòli o recinte des santuaris s'elevaue per dessús dera vila.

Eth temple plaçat en costat sud ei era unica bastissa publica que s'a mantengut fòrça complèta per çò que hè ara planta, hèt que permet estudiar es caracteristiques constructives dera bastissa. Ère de planta rectangulara, dispausaue d'un vestibul d'entrada e de contrafòrts extèrns, e consèrve rèstes deth paviment, hèt a basa d'un beton impermeable de sable, caudia e ceramica decorat damb tesseles blanques. Apuprètz a un mètre d'aguest temple, en costat nòrd e en parallèl, se consèrven rèstes de un aute temple, de granes dimensions, que se trape parciaument jos era bastissa deth musèu actuau.

En aguesta zòna se recuperèren diferentes sòrtes de mosaïcs, estucs pintadi, motladures e cornisses que mos permeten hèr-mos ua idèa dera monumentalitat d'aguestes bastisses. Atau madeish, sigueren descorbidi nombrosi èx-vòts de tèrra coduda hèti damb motle que, damb un gran realisme, representen eth ròstre de possibles personatges mitologics. Es èx-vòts èren policromadi, mès non queden guaires rèstes d'aguesta pintura.

OBJÈCTES

<p>Fragment d&#39;ua masca descobrida enes excavacions dera z&ograve;na des temples.</p>
Masca de tèrra coduda
Masca de tèrra coduda
scroll to top icon