Cercaire de musèus e localitats

Museu d'Arqueologia de Catalunya - Ullastret

Es cases

Era estructura urbanistica deth poi de Sant Andreu s'adapte ara orografia abrupta deth tucò a trauès de terrasses escalonades que permeten ua distribucion racionau der espaci.

Çò que se consèrve des parets son es sòcles de pèira ligada damb hanga, de diuèrses nautors, qu'auien era part superiora hèta damb malons secadi ath solei o damb tapièra. En bèri cassi, es parets de pèira se revestien peth laguens damb un rebocatge de hanga, que dilhèu se pintaue, mès aguesta practica non deuie èster guaire abituau. Peth costat exterior, es parets se revestien de tèrrargila entà hèr-les impermeables.

Era cubèrta des abitatges ère hèta damb bigues de husta, branques peth dessús, e tot caperat damb hanga. Eth solèr generaument ère de tèrra compactada, lèu sense cap sòrta de preparacion, e son compdades es estances damb paviment de lauses o de beton de caudia.

Lèu totes es cases que se coneishen en Ullastret son de planta baisha, e moltes d'eres an sonque ua o dues estances. Maugrat açò, ena part centrau deth jaciment s'a identificat ua grana bastissa de caractèr aristocratic que s'estructure ar entorn d'un gran pati centrau.

OBJÈCTES

<p>Vista frontau dera figurina de t&egrave;rra coduda que represente ath diu B&egrave;s.</p>
Tèrra coduda deth diu Bès
Tèrra coduda deth diu Bès
scroll to top icon