Cercaire de musèus e localitats

Museu d'Arqueologia de Catalunya - Ullastret

Era muralha

Ei ua des fortificacions indigènes mès complèxes e elaborades dera peninsula Iberica. Era muralha que se ve actuaument ei producte de diuèrses etapes de construccion e de diferentes reparacions. Se'n coneishen mès de 930 m des trams oèst, sud e part der èst, encara que segurament entornejaue totaument eth poblat. Era part mès complèxa arquitectonicament ei localizada en costat oèst (era que se trape en tot arribar en jaciment), e defenie eth sector mès vulnerable dera ciutat.

Era muralha ei refortida damb sèt tors en costat oèst, separades entre eres per ua distància aproximativa de 28 m, ua tor en extrem nòrd dera muralha e ua tor de guarda en costat meridionau dera ciutat, ath cant deth recinte des temples. Enquia ara, an estat localizades nau pòrtes d'entrada ara ciutat. Bères ues d'aguestes pòrtes sigueren descorbides tapiades, hèt que demòstre qu'en moment finau dera vida deth poblat sigueren inutilizades.

Recentament, gràcies a diuèrses prospeccions geofisiques, s'a descorbit un varat defensiu enòrme que cor en parallèl ath traçat emmuralhat deth versant occidentau deth tucò.

OBJÈCTES

<p>Fragment d&#39;un mart&egrave;th de h&egrave;r que servie ent&agrave; mercar e talhar era p&egrave;ira.</p>
Martèth de talh
Martèth de talh
scroll to top icon