Es urnes contenguien es rèstes resultantes dera cremacion deth còs. Un còp deposades, se corbien damb un caperader, e eth conjunt s'enterraue laguens d'ua hòssa. Ath delà, ath cant dera urna se podien deposar vasi d'acompanhament e pèces de bronze que completauen eth mobiliari. Aguest podie èster mès o mens ric en foncion dera edat, eth sèxe e er estatus sociau deth defunt. Era preséncia des urnes d'incineracion mos mòstre un cambiament en rituau der enterrament, qu'enquiad aqueth moment ère era inumacion.