Aguesta sièta ère destinada tà minjar peish. Era caçoleta deth hons servie entà recuélher er òli o meter-i bèra saussa. D'acòrd damb es fragments recuperadi d'aguesta pèça, i aurie representades dues parelhes de peishi de ròca, pròpris der airau mediterranèu, encarades dus a dus: ua racassa damb un roget e ua racassa damb un sarg, era part posteriora d'un mèro, un aute peish non identificat e ua cauquilha de Sant Jaime. Era sièta, datada en sègle IV aC, se trapèc en ua casa de finaus deth sègle III aC, hèt que remèrque era valor que s'autregèc ad aguesta pèça.