Cercaire de musèus e localitats

Museu d’arqueologia de Catalunya – Seu Empúries.

Es prumèrs cristians.

Vista aeriana dera planta dera glèisa cristiana de Santa Magdalena

Vista aeriana dera planta dera glèisa cristiana de Santa Magdalena

A compdar deth sègle IV dC, es antics nuclèus d'Empúries patiren un procès de redefinicion e adaptacion ara naua organizacion politica e religiosa que comportèc era fin deth mon pagan e er consolidacion deth cristianisme coma nau poder ordenador. S'aguest cambiament siguec important pertot, en Empúries siguec mès radicau, pr'amor que suposèc er abandonament des centres urbans que formauen era ciutat. Mès açò non siguec era fin d'Empúries. Es sòns estatjants s'adaptèren a un nau sistèma de poblacion, que concentrèc es elements de representacion en antic nuclèu de Sant Martí d'Empúries. Aguest nuclèu contrarotlaue eth pòrth fluviau e es completaue damb petiti nuclèus ruraus der entorn propèr, coma Santa Margarida, Santa Magdalena e Sant Vicenç (cada un damb era sua glèisa e eth sòn cementèri). Bères ues d'aquestes petites glèises medievaus se quilhèren sus restes de construccions anteriores d'epòca tardoromana, que coïncidissen cronologicament damb naus airaus d'enterrament, coma eth que se localizèc en sector nòrd dera ciutat grèga d'Empúries. Era necropòli descorbida ena zòna meridionau dera ciutat d'Empòrion (entre era agora e eth pòrt) auie lèu 500 tombes e ua petita capèla (cella memoriae) bastida sus ua antica bastissa termau.

OBJÈCTES

<p>L&ograve;sa sepulcrau damb mosa&iuml;c d&#39;ep&ograve;ca tardoromana</p>
Lòsa funerària de mosaïc
Lòsa funerària de mosaïc
scroll to top icon